У сучасным Драгічыне мала цікавага. Помнік растраляным яўрэям на чыгуначным вакзале -- я пісала неяк пра гэта. За аўтавакзалам -- помнік растраляным падпольшчыкам, сярод якіх і мой дзед. Такі ж помнік -- растраляным -- на мясцовых могілках, там іх стралялі проста каля сцяны. У горадзе некалькі такіх месцаў, але помнікі сціплыя, яшчэ з савецкіх часоў. Царква звычайная, драўляная, тыповая, раней вакол яе быў жывапісны парк, цяпер нечага наставілі.
Раней было шмат каменных "польскіх" дамоў на цэнтральнай вуліцы, але, гавораць, іх распрадалі на цэглу.